Search
Monday 25 September 2017
  • :
  • :

Nyuma y’imikino 5 gusa De Boer yamaze kwirukanwa.

 

Umutoza w’Umuholandi Frank De Boer yamaze kwirukanwa n’ikipe ya Crystal Palace nyuma y’iminsi 77 gusa yari ayimazemo, akaba yari amaze kuyitoza imikino igera kuri 5 yose hamwe.

Iki cyemezo ikipe ya Crystal Palace ikaba yagifashe nyuma y’uko uyu mutoza De Boer mu minsi 4 ya shampiyona y’Abongereza “English Premier League” 2017-18 ataratsinda igitego na kimwe’ ikindi ikipe ya Crystal Palace ikaba inahagaze k’umwanya wa 19 k’urutonde rwa Shampiyona muri rusange.

De Boer akaba asize ikipe ya Crystal Palace k’umwanya wa 19 muri Shampiyona ya EPL 2017-18 igeze k’umunsi wayo wa 4

Frank De Boer w’imyaka 47, akaba ariwe mutoza mu mateka ya Shampiyona y’abongereza umaranye ikipe igihe gito gishoboka, ibi bikaba bivuze ko amakipe 2 aheruka gutoza yombi ayamazemo iminsi itarenga 169.

Uku kwirukanwa k’uyu mutoza w’umuholandi byatangajwe n’ubuyobozi bw’ikipe ya Crystal Palace bubinyujije k’urukuta rwayo rwa Twiter aho bagize bati” turifuza gushimira Frank De Boer ku gihe twari tumaranye ari umutoza wacu, tukamushimira k’umurava yagaragaje ndetse no kubyemezo bimwe na bimwe yagiye afata mu ikipe.”

De Boer nawe amaze kumenya uku kwirukanwa kwiwe akaba yahise ajya ku mbuga nkoranyambaga ziwe akandika amagambo agira ati” ntunguwe n’iki cyemezo ubuyobozi bwa bw’iyi kipe bwafashe, gusa ndashimira abakinnyi, abatoza twakoranye, abafana ndetse n’ubuyobozi ukuntu bambaye hafi, mbifurije imbere heza.”

De Boer akaba yarageze muri iyi kipe mu mpeshyi z’uyu mwaka aje gusimbura umutoza Sam Allardyce wari wafashije iyi kipe kutamanuka mu cyiciro cya kabiri, gusa akaza guhita asezera muri iyi kipe.

Uyu mutoza akaba ataribwo bwa mbere yirukanywe k’uko umwaka ushize wa 2016 mu kwezi kw’Ugushyingo yirukanywe n’ikipe ya Internazionale da Milano yo mu gihugu cy’Ubutaliyani nabwo nyuma y’iminsi 85 yari amaze ayitoza.

Crystal Palace nyuma yo kwirukana De Boer ikaba yahise imusimbuza uwahoze ari umutoza w’ikipe y’igihugu y’Abongereza Roy Hodgson akaba yahawe amasezerano y’imyaka 2.

Roy Hodgson wahoze atoza ikipe y’igihugu y’Ubwongereza niwe wahise uramutswa imirimo yo gutoza Crystal Palace

www.themagazine.rw




Leave a Reply

Your email address will not be published. Required fields are marked *